كل شي له نهاية
وأنت في قلبي دوم البداية
Rainbow Girls
.. حلم ياما غمضت عيوني وتخيلته وحلمت فيه من الصغر , مكان
اثبت فيه وجودي كـ ( مثليه ~ ليزبيان ~ توم بوي ) هدفي كان سامي فيه وهو
توصيل رسالة للمجتمع الشرقي المتعصب والمستنكر لميولي أو بالأصح عند رهاااب مني
{ إني بشر خلق ربي لي كيان مشاعر وأحاسيس وجود فعال بالمجتمع لا عاله عليه , لي
الحق أعيش من أنا بدون نظره دنيويه وتحقيريه وكأني نازل لهم من الفضاء الخارجي
؟!!
مضت الأيام وإصراري يزيد معاه ( طبعي عنيد ومكافح ) وفي سنة
2007 شهر مارس كان يوم خارج عن المألوف للقيت روحي اشتغل بأروع ما صنعت يدي {
فوق السطح الجو بارد الدنيا ليل خشمي لونه احمر ماقبله شاشة اللاب توب حولي فوق
200 شيء وشيء من وايرات وسي دي ومكاين ومراوح تكيف عش عصفور مدري حمام بر حتى
اذكر في جحر نمل والنملة الكبيرة بس تطالعني بنظرات غبية } .. اشتغلت من أول
الليل عليه لما مطلع الشمس وطلعت الشمس وردت غابت وأنا على وضعيتي ، اسولف مع
روحي اقترح ابتكر وكأنه حياتي متعلقة بهذا الشيء بس أو بمفهوم ثاني حياتي تدور
حول هالموقع لما ماربي تمم علي ورحمني وخلصته من أ إلى ي ..
افتتحته وكانت فرحتي يومها الكرة الأرضية والأجرام اللي حولها
ماتشيلني كان لي جناحات ذاك اليوم , تحرك المنتدى وتجمع فيه أحلا ناس قلبهم كان
ينبض ( أنا مثليه وافتخر ) فكر واعي رسالة سامية مواضيع مميزه حتى تلعبنا
وتحرشنا ببعض كان شي ثاني بريء بما معناه كنا أطفال بعيون بعض مافينا الكبير
مابقلبنا إلا هذا بيتنا وهذولي إخواني وخواتي مني وفيني .. { أيام لو بتكلم
فيها مارارح أوفيها حقها ~ أحبكم نفر نفر ..
( اسمحولي لـ صراحتي ) في هذا البارت من ملحمتي ,,
فجأة ~ تغير كل شي وماعدت أشوف نفسي فيه ولأسباب وايد وبختصر
عليكم أهمها :
● غيابي عن المنتدى لظروف ( صحية , اجتماعية , أسريه , العمل ..
) أكثر الأوقات ألوم نفسي لغيابي عن المنتدى { واعترف أني قصرت بحقه والقدر كان
أقوى ~
● غياب الفكر والمناقشة الجادة بمشاكلنا والتثقيف عن من نكون
ومن نحن ~
● أحم أحم انتشرت وبكثر المواضيع التافهة الترفيهية وغيرها اللي
بلا هدف أو نسخ من منتديات ثانيه ( وسوالف التضبيط ) الكل صار همه مشاركاته
توصل للأرقام القياسية وكأنه حنا بسباق ؟!!
نوصل للخلاصة الحين ( الزبدة على قولتنا ) ~ كل هالكلام اللي
فوق شعور بداخلي أوضح فيه سبب إغلاقي للمنتدى ما أحب أشوف حلم حياتي يتدمر من
بعد ما حققته ولا أحب أشوف ناس يضيعون وقتهم وجهدهم بلا هدف { في أعضاء
ماشاءالله عليهم كلام المديح ولا يوصل ذره من حقهم بالكلام عنهم } ,, وفي أعضاء
للأسف وجودهم نفسه عدهم لو مو مسجلين كان ابرك ~
النهايــة ~ كل شي له نهاية وأنت حلمي في قلبي دوم البداية ,, {
صحيح انتهيت وأنهيت منتدى رينبو وذكراه بقلبي وأكيد بتكون بقلوب ناس كثيرين
غيري ~ شيء مؤلم أدري ~ لكن المنتدى تعب من السخافات اللي فيه وابد ما تعب ولا
عاف أي شخص فيكم } ..
وعلى فكره في مكان جديد متواضع سامي الفكر والحلم ( يحتويني
ويحتوي من يحملون حلمي وهدفي لتحقيق مكان راقي مثقف يظهر للمجتمع بصوره تثبت
جدارتنا بالحياة وأننا من خلق الله لسنا مخلوقات من الفضاء الخارجي ) ,,
وارجوا من تصل له رسالة دعوة للانضمام لنا أن يلبي ويكمل معنا
ما بدأنا من رينبو كـ فكر هادف لا كـ لعب وتضيع وقت فراغ ,,
وشكراً ,,
NR.
GLAMOROUS
i
Love u
|
